"Swych hardë metys in thy pawnche?"
Glotonye:
Quod she, 'thow shalt ful wel espye,
The custom ys off glotonye,
Line 12876
As wel (yiff I shal expresse,)
In gretë metys to don excesse,
(Who the trouthë wel espyes,)
As wel as in delýcacyes; [folio 196b]
Line 12880
ffor men as wel may doun outráges
With benë bred and swyd [[swete St.]] potáge,
Excesse and superfluyte,
Als wel as in curyouste:
Line 12884
The mete nat causeth the excesse,
But the ffretyng gredynesse,
They [[Thy C., They St.]] maketh only the Glotoun,
And nat the mete in no sesoun:
Line 12888
Tast, that ys the pryncypal,
And lust ther-off, that causeth al.' [Non cibus, sed appetitus, in vicio est. Gregorius.]
The pylgrm:
Than quod I/"I pray the,
What thyng ys 'Tast'? declarë me."
Line 12892
Glotonye: [Stowe folio 226a]
'Yiff I to the declarë shal,
Therby inward passeth al;
And ther-in ek myn appetyt
Hath specially al hys delyt;
Line 12896
Yt ys the mouth off my sachel,
Whérby passeth euerydel;
By that golet, large and strong,
Off mesour nat .iij. [[three St.]] Enchë long;
Line 12900
I wolde, ffor delectacïoun,
That yt were (off hys ffacoun,)
Long as ys a kranys nekke;
Thanne I nolde off nothyng wrekke,
Line 12904
But only (yiff I shal telle)
With fattë mussellys yt to ffelle,
With lard, and collopys wel yfryed;
How hard they were to be defyed,
Line 12908
I woldë ther wer ffounde no lak
In the stuffyng off my sak,
