The Pylgrym:
"Declarë me, and nat ne ffeyne,
What 'castrimargia' [[Castrimagia St.]] ys to seyne."
Glotonye: [Stowe folio 225a]
' "Castrimargia," [[Castrimagia St.]] ys ploungyn doun
Off mussellys by submercioun;
Line 12840
Wyth-outë chawyng, doun they launche,
Devouryd hool in-to the pawnche;
And ther they be so depe ydreynt,
In the mawe to-gydre meynt,
Line 12844
That my sak, by submercioun,
Ys offtë tournyd vp so doun. [folio 196a]
Whan yt ys fful and overleyn,
Yt goth out by the gorge ageyn;
Line 12848
Over bord, al goth to wrak;
And thus I voyde among my sak;
The Tempest draweth doun the sayl.
'I make tracys, as doth a snayl,
Line 12852
With drawlyng [[drawyng St.]] on my mokadour,
And efft ageyn do my labour
(As an vngry [[hungry St.]] wolff, certeyn,)
ffor to ffylle my pook [[pawnche St.]] ageyn.
Line 12856
'I may resemble wel to Bel,
Off whom that speketh Danyel,
The ydole that devourede al:
My bely round, and no thyng smal,
Line 12860
And with my nosë long and round,
I trace affter, as doth an hound,
To ffynde the ffwet [[ffwt St.]] wher mete ys good;
And, by the goolet off myn hood
Line 12864
The bestë [[best St.]] goth; yiff that I may,
Thys lyff I letë nyht and day.'
The pylgrym:
"Yet off a [[one St.]] thyng I pray the, [Stowe folio 225b]
That thow woldest tellyn me:
Line 12868
Yiff thow thè ffyllest (in thyn avys)
Off metys that ben off lytel prys,
As off benys or brownë [[brovne St., brown C.]] bred,
(Kome ther any in thyn hed,)
Line 12872
Thyn appetyt for to staunche,
