'To thys Sect yt ys endwed,
Line 12799
With rost [[Reste St.]] somwhyle, and with stewyd,
To be seruyd, and metys bake,
Now to ffrye, now steykës make,
And many other soteltes.
And dyuers ffoundyn out deyntes;
Line 12804
ffor al thys sect, I the ensure,
Be nat cóntent that nature [[Stowe]]
Yservyd be with suffysaunce;
But ther Ioye and ther plesaunce
Line 12808
Stant in [[alle / In St.]] superfluyte;
And hooly ther ffelycyte
(Affter ther oppynyoun) [Stowe folio 224b]
Ys in delectacyoun.' [folio 195b]
Line 12812
The pylgrym:
"What ys thy name? tel on," quod I.
Glotonye:
And she Answerd redyly,
'To sey trouthe, and nat to lye,
My name in soth ys 'Glotonye.'
Line 12816
My sak, I ffelle vp to the brynke,
And neuere I sparë ffor to drynke,
fful offtë whan I ha no nede;
And I allone (yt ys no drede)
Line 12820
fful offtë sythe, off [[In St.]] lykerousnesse,
ffylle my paunche, off gredynesse,
With as mychë (trew(ë)ly)
As .iij. men myghtë lyuë by,
Line 12824
Swyche as hauen indygence;
ffor, in Ryot and dyspence,
In wast, in reuel and outráges,
Spent in gelees [[Geeles St.]] and potáges,
Line 12828
And dyuers drynkës ffor solas,
Romney, clarre, [[Clarre and St.]] ypocras,
In malvesyn, and in Osey,
The longë nyht I daunce and pley,
Line 12832
And cessë nat to drynke alway;
Go to bedde whan yt ys day;
And sommë clerkys a-mong alle,
'Castrimargia' [[Castrymagia St.]] me calle.'
Line 12836
