Lych as she wolde ha stranglyd me; [[7 lines blank in MS. for an Illumination.]]
Line 12764
Gan hyr handys to me strecche,
And felly sayde 'Arrew, [[Arrow St.]] thow wrechche!
Thow skapyst nat:' she swor, seyn [[seynt St.]] george,
She wolde me stranglyn by the Gorge:
Line 12768
Thus yt sempte, as by hyr cher;
And I hadde-on no gorger
In my dyffence, but drowh abak,
And vn-to hyre ryht thus I spak:
Line 12772
The pylgrym:
"What artow," a-noon quod I,
"That komyst so dyspytously,
Thow Oldë wekkë, [[vekke St.]] with meschaunce,
ffroward off look and contynaunce;
Line 12776
and al that euere I se on the,
fful gretly dyspleseth me."
Glotonye:
'I am,' quod she, 'as thow shalt lere, [folio 195a]
Off Epicuris chyldre dere,
Line 12780
Verray moder and maystresse,
And off that sorte gouérneresse:
I gouerne hem, (thus stant the cas,)
Who that euere her ffader was.'
Line 12784
The pylgrym: [Stowe folio 224a]
"fful ffayn," quod I / "I woldë se
What Epicuriens sholdë be."
Glotonye:
'They be (ffor short conclusioun)
A sect off thys condicïoun,
Line 12788
Wych holde, and lernë thys off me,
That perfyt ffelycyte
Ys, that a man lyk hys delyt,
ffolwe alway hys appetyt;
Line 12792
Ther Sak, ther wombe, (I vndertake,)
Off hem ther goddys they do make;
Ther Ioye and al ther bysynesse
Ys only set in lykerousnesse;
Line 12796
ffor, thys Sect alway most thynkes
On dyuers metys and on drynkes:
