[folio 193b] 'Ther-in ys no melody,
Whos song ys euere 'Occy, occy,'
Line 12688
Wych ys to seyne, whan she hath do,
"Go sle thy sylff!" she meneth so.
Leff al thys thyng, and go with me;
ffor, thys weye wych thow dost se,
Line 12692
Ys penyble and éncombrous,
Dredful also, and envyous;
Thy myght, thy power, ben ago;
Thy body ys wery ek also;
Line 12696
The weye wyl makë the to tarye, [Vicina est lapsibus adoles|cenia, & variorum cupidita|tum feruore salens . . . Ambrosius. St., om. C.]
ffor yt ys ffroward and contrárye,
And ffer also ffro thyn entente;
And I ther-to wyl nat assente.
Line 12700
'And in fforthryng ek off the
I wyl nat go, but I wyl ffle;
ffor thow and I shal han repayr,
Nat on the ground, But in the hayr,
Line 12704
Wher thow shalt fynde no maner lak;
ffor I wyl trusse thè on my bak, [Stowe folio 222b]
Ber thè fforth (yt shal nat ffaylle)
That thow shalt felë no trawaylle
Line 12708
In thy vyagë, but ful soffte
I shal ber thè hih a-loffte,
That thow mayst sen aboutë Round,
The se, the heyr, and al the ground;
Line 12712
And al that euere ffolkys do,
Thow shalt be-holde and sen also.'
The pylgrym:
"Yst in thy power, answere me,
Thus to ber me, and to ffle?"
Line 12716
Youthe:
'Ther-to I hauë suffysaunce,
So yt be to thy plesaunce;
And that thow shalt knowe agon,
Skyp on my bak, and lat vs gon,
Line 12720
And in effect thow shalt wel se
How that I shal helpyn the.' [folio 194a] [[6 lines blank in MS. for an Illumination.]]
And I, with-outë mor abood,
