'Thow sholdest neuere haue erryd so,
Line 12608
But that thow sholdest (trustë me)
fful wel ageyn receyved be;
And with al thys, only by grace, [Stowe folio 221a]
Restoryd to thy ffyrstë place:
Line 12612
Ther-to thow sholdest ha no let,
Thy terme, thy [[and St.]] boundys, ben so set,
And markys ffor thy savacyoun
Only by crystys passïoun:
Line 12616
Truste me wel, and thus yt ys, [folio 192b]
They wyl nat suffre the gon Amys,
Whyl thow thè holdest by resoun
Wyth-Inne thy lymytacïoun,
Line 12620
Nat to Erryn, nyh [[nyht C., nyghe St.]] nor ffer;
But so ne may nat lucyfer,
ffor he muste abyde and dwelle
With-oute Retournë, styll in helle;
Line 12624
He may haue noon other graunt.
And thys Exaumple ys suffysaunt
Off the planetys told off me,
In thy passáge tenformen the.
Line 12628
'And fferther-morë, the to guye
Touchynge also the boterflye,
Off wych Exaumple, in thyn Avys,
Thow settyst ther-off but lytel prys;
Line 12632
But yiff thy wyt, off Resoun seth,
The .iiij. wynges with wych he ffleth,
And hys ffeet ek (tak hed ther-to)
Make hym on the whel to go
Line 12636
At leyser, hym sylff to spede.
By wych exaumple (as I rede)
Thow shalt hym folwe in sondry wyse;
And ffyrst off allë, the avyse
Line 12640
How thys whel hath (yt ys no doute,)
.iiij. [[Foure St.]] spokys strechchyd oute,
Vp-on wych, ffor thy beste,
Thow mayst wel thyn syluen reste, [Stowe folio 221b]
And by esë, soffte and soffte
Line 12643
Clymben tyl thow kome aloffte.
'Thys spokys .iiij. [[Foure St.]] off most vertu
