'How On ffrom heuene dydë ffalle—
Line 12568
Lyk a brond off ffyr with levene—
Doun to the Erthe ffro the heuene;
The wychë sterre, I dar wel seyn,
Retournede neuere yet ageyn
Line 12572
Thyder ffro whens he dydë ffalle;
And 'Absinthium' men hym calle,
Be causë he doth sygnefye,
Thorgh hys pryde and ffals envye,
Line 12576
The bryhte aungel that ffel so ffer,— [Stowe folio 220b]
I mene the Aungel Lucyfer—
ffro the heuene in-to dyrknesse;
And he hath ek mor bytternesse
Line 12580
Than any woormood growyng here. [folio 192a]
And, Trewly, yiff thow lyst lere,
That he whylom (thus stood the caas,)
Bryhter than any sterrë was:
Line 12584
Truste me wel, and be certeyn
That he shal neuere Retourne ageyn
To the place that he kam ffro.
'But off thè, yt stant nat so;
Line 12588
And ffyrst, by thys exaumple layd
To conferme that I ha sayd:
Thogh thow a-mong, in thyn entent,
Line 12591
ffalle doun ffro the ffyrmament [A Firmamento Fidei St., om. C.]
Off verray ffeyth, doun ffro so fer
With the Angel lucyfer,
And thy ffal and thy soiourn
Were with-outë mor retourn,
Line 12596
That thow sholdest ay and euere
In thyn errour so perséuere,
And woldest nat thy sylff avaunce,
Thè tamende [[St., tamemende C.]] by répentaunce,
Line 12600
Than, thorgh thyn erroure and ffolye,
Thow stoode in gret [[grete St.]] Iupartye
To kome ageyn to thyn degre.
'But yiff thow woldest amende the, [Nota St., om. C.]
And off herte and hool entente
Line 12605
Resorte ageyn, and thè repente
Off al that euere thow hast mysdo,
