"So gret [[grete St.]] labour to endure,
My place ageyn ffor to recure.
Line 12452
Thogh day be day (in certeyne)
I dydë dyllygence and peyne
ffor to resorte, yt wyl nat be;
The cours off sensualyte,
Line 12456
To my desyr ys so ffroward,
To makë me to go bakward,
That by reuolucïoun
My tyme I lese, and my sesoun;
Line 12460
ffor, the mor I me constreyne
To do my labour and my peyne,
The mor to me she ys contrayre,
In my Iourne me to tarye;
Line 12464
And trewly I kan nat espye
What al thys doth sygnefye."
Grace dieu:
Quod gracë dieu fful sobyrly,
'I speke nat off a [[on St.]] day only,
Line 12468
But in an hour (yiff thow kanst se)
Yt may happë so to be,
How that A man in A moment
May slen hym sylff, off entent
Line 12472
Or casuely, on se or lond, [folio 190b] [[C. & St.]]
Lese a membre, ffoot or hond, [[C. & St.]]
Wych he shal, peraventure, [[C. & St.]]
In thrytty yer, nat recure
Line 12476
Ageyn, so myghtë ben the cas,
To refourme yt as yt was.
'And semblably to be-guynne,
Yiff thow ha don a dedly synne.
Line 12480
Wheroff the strook the soulë sleyth, [Stowe folio 219a]
And offte ys cause off cruel deth;
ffor swerd ys noon, nor sperë, founde,
So peryllous to mayme and wonde
Line 12484
As dedly synne, (to reknen al,)
The wych ycallyd ys 'mortal',
Be-cause hys hurtys ffynally
Ben in effect verray dedly.
Line 12488
'And yiff thow sle thy-syluen so
