Wych clerkys calle 'the lassë world.'
Line 12372
And in thy way, haue in mynde;
Epicicles thow shalt ffynde,
'Off Infortunyes fful dyuers,
Off sodeyn caas, fful peruers;
Line 12376
ffor thy lyff (yt ys no doute,)
Ys lyk a cercle that goth aboute,
Round and swyfft as any thouht,
Wych in hys course ne cesset [[cessethe St.]] nouht
Line 12380
Yiff he go ryht, and wel compace
Tyl he kome to hys restyng place,
Wych ys in god, yiff he wel [[wylle St.]] go
Line 12383
Hys ownë place wych he kam ffro. [Stowe folio 217b]
But yet, in al hys mocyoun,
He hath noon Exempcïoun;
ffor Epicicles (who hath reward)
Make the offtë go bakward
Line 12388
In thy cours, thè to tarye,
And to make thè stacyonarye,
Excentryked, day be day,
To make thè gon out off the way
Line 12392
Westward, vn-to the occident;
Whan thow sholdest gon to [[gon to C., go St.]] thoryent,
fful offtë sythe thow gost abak.
'And the planetys that I off spak,
Line 12396
Also ek the Boterflye,
Vn-to thè Exemplefye
To don thy labour, and nat ffeyne,
And myghtyly thy sylff to peyne [folio 189b]
Line 12400
In thy mevyng, that thow nat be
Ylet by sensualyte,
Wych on thy way doth gret greuaunce,
But yiff thow haue perséueraunce.
Line 12404
'Yet in thy cours be alway strong:
By processe off tymë long,
Thow shalt retourne ageyn by grace
Vn-to thyn ownë duë place,
Line 12408
Reste in god, and ther abyde.
'Thogh that thow be set asyde,
Thyder to atteynë soone,
