'And thyderward they be meveable,
Line 12332
To thylkë poynt to kome ageyn,
ffro wych they meuede ffyrst certeyn.
Off ther cours, thys thentent;
But the heuene and the ffyrmament
Line 12336
Wych clerkys calle (yiff ye lyst se)
In latyn Celum mobile,
Contrayre ffro the Oryent,
Draweth hem to the occident
Line 12340
Wyth hys sweygh [[su eyghte St.]] (yt ys no nay,)
And taryeth hem mor in A day
Than they be mevyng cyrculer
May recuryn in A [[alle a St.]] yer
Line 12344
Toward the Est in ther mevyng.
'And yet they haue mor lettyng,
(Who the verray trouthë wyste,)
ffor, whan they travaylle to resyste
Line 12348
To the heuene callyd 'mobyle,'
In the Epicicles whan they be, [Stowe folio 217a]
They make hem retrogradyent,
And cause hem in the ffyrmament
Line 12352
Ther tabydë stacionarye,
Out off ther cours ordynarye,
And sette hem in the excentrykes,
Wher thay be callyd Erratykes.
Line 12356
Retournyng nat (shortly to ryme,)
But by processe off long tyme.
'And sythe, thys bodyes celestyal,
In ther mevyng natural,
Line 12360
Ben let thus in ther [[lette . . her St.]] mocyouns,
And han swych retardacyouns
To ben hyndred in ther labour,
Or they may han ful recour
Line 12364
To the place they kam ffyrst fro; [folio 180a]
Merveylle nat thogh yt be so
That thow be let in thy vyage,
And Encoumbryd, in thy passage,
Line 12368
Off Retardacïouns that falle,
Syth 'Mycrocosme,' men the calle;
And microcosme ys a word
