"Certys," quod I, "in substaunce, [Stowe folio 215b]
I ha thys wel in rémembraunce."
Grace dieu:
'Conceyue,' quod she, 'than, in thy syht, [folio 187b]
Yt muste ffolue, off verray ryht,
Line 12256
Syth thow haddest, in allë [[alle St., all C.]] thyng,
Off hym orygynal begynnyng,
And were off hym (yiff yt be souht)
In euery party maad & wrouht,
Line 12260
To hym, off verray ryht certeyn,
Thow must resorte & tourne ageyn,
As by mevyng natural,
Ageyn to thyn orygynal.
Line 12264
'Tak exaumple pleyn & cler:
As by mevyng circuler
In hys tournyng by compasse [[compace St.]]
Ageyn resorteth to hys place
Line 12268
That he kam ffro whan he be-gan,
How ffer aboute that he ran;
And Trewly, in no mocyoun
Ys noon so gret perfeccïoun
Line 12272
As off a spyryt hym to releue,
Ageyn the body ffor to meue;
The wych (who lokë verrayly)
Ys to the spyryt most enmy;
Line 12276
Wych euere ys bysy, day be day,
To taryen hym vp-on hys [[his St., thys C.]] way,
And (I dar wel afferme thys)
Meketh hym offte to gon amys.
Line 12280
And thogh thow go nat alway wel
Yet dyscounforte the neueradel;
Tak euere hed, yong and old, [Stowe folio 216a]
Off thexaumple I ha the told;
Line 12284
Vp-on wych, yiff thow wylt dwelle,
Mor clerly I shal the telle.
'Thys sayde whel (who kan espye)
That I off spak, doth sygnefye
Line 12288
Lust off the body, in hys mevyng,
Wych clerkys calle (in ther wrytyng
And name yt) Sensualyte;
