'In fforthryng off thyn ownë spede.
Line 12216
Thys whel ys (I the ensure)
A lyknesse and A ffygure,
And pleynly (yiff I shal nat tarye)
Vn-to the an exaumplarye,
Line 12220
The to gouerne in thy vyáge,
Yiff thow wylt in thy pylgrymage
Be wel exspleyted [[expleyted St.]] (in certeyn), [folio 187a]
And ellys thy labour ys in veyn,
Line 12224
Lesynge thy travayll euerydel.
'Tak hed,' quod she, 'how in thys whel
Ther ys wyth-inne (yiff thow kanst se) [Stowe folio 215a]
A-nother off lasse quantyte,
Line 12228
Tornynge contrayre (by hys syyt)
To-ward the party opposyyt; [Versus partem oppositam. St., om. C.]
And off tymber, wrouht fful clene,
Hath .iiij. spookys yt to sustene,
Line 12232
Set vp-on an Extre large,
Off the sweygh to bere the charge.'
And sothly (as I koude espye)
Haddë nat ben A Boterflye
Line 12236
Ther-on tournyng round aboute,
I wolde ha dempte (wyth-outë doute)
Tournyng ech wyth-Innen other,
That yt haddë be noon other
Line 12240
But the samë syluë whel
Wych whylom Ezechyel
Sawh in hys avysïoun,
As hooly wryt maketh mencioun.
Line 12244
The pylgrym:
And off thys whel (pleynly to lere),
Off Grace dieu I gan enquere,
That she wolde (in conclusïoun,)
Make a declaracïoun.
Line 12248
Grace dieu:
Quod gracë dieu to me Anoon,
'Yiff thow remembre, nat yore agon,
How thow off god (I the ensure)
Art thymage and creature.'
Line 12252
The pylgrym:
