Euere that I may yt mortefye.' [Stowe folio 213b]
Thanne he made no mor delay,
But wentë fforth vp-on hys way;
Line 12144
The body affter hym gan gon,
And bar hys croos alway in on,
And was with hym ay Crucyffyed. [[St., C. has a blank line.]]
And whan I hadde al thys espyed, [[Blank in MS. for an Illumination.]]
Line 12148
In myn herte I was full wo,
That I myghtë nat do so
As off hem I do reporte;
And gretly gan me dyscomforte;
Line 12152
The pylgrym dysconfortyd.
And, ffor thys vnkouth woful caas,
fful offtë sythe I seyde 'allas'
Vn-to my sylff, in cómpleynynge,
Wepte, and gan myn hondys wrynge;
Line 12156
And, in my dedly mortal wo,
Vn-to my sylff I seydë tho:
"Al that thow wendyst ha be toward, [In via Dei non pro|gredi, regredi &c c' Bernardus. St., om. C.]
Ys but a passage that goth bakward. [folio 186a]
Thow gost nat as thow sholdest do." [[C. & St.]]
Line 12161
And to my body I seyde also:
"Allas! why naddestow ybe
Crucefyed vp on a tre?
Line 12164
Crossyd thy-syllf also be-tymes,
To ha go fforth wyth pylgrymes
On pylgrymage? allas the whyle!
Thy gretë slouthe wyl me be-guyle,
Line 12168
And don to me fful gret offence
Thorgh thy gretë neclygence,
Wych, yiff I hadde aforn espyed,
Thow sholdest ha be crucefyed
Line 12172
(Wyth-outë mercy or pyte) [[ [Stowe folio 214a] , putting the next line before this.]]
Vn-to the deth vp-on A tre,
And born a croos vp-on thy bak."
And whyl that I thus to hym spak,
Line 12176
Constreyned wyth fful gret dystresse,
Myd off al myn hevynesse,
Sodeynly (as ye shal here)
