'Ageyn the dredful vyolence
And assaut off our enmyes.
'And at ech wyket, ffor Espyes
Line 12104
At ffenestrallys & at cornerys,
Lat be hangen out banerys
Off the croos, and put hem oute,
Our Enmyes to sette in doute;
Line 12108
ffor yt ys a kouthë thyng, [Stowe folio 213a]
Men drede the baner off a kyng;
As yt ys ffyguryd wonder wel
In the book off Ezechyel,
Line 12112
The .ix. capytle (who taketh hede), [ixo capitulo.]
Wher openly ye may rede
That, by the tookne off Tav, [Memorandum St., om. C.]
The sygne was off so gret vertu,
Line 12116
That they that hadde yt (yt ys no drede)
Wel enprented in ther fforhed,
By the vertu (yt ys no jape)
ffro the deth they dyde Eskape:
Line 12120
They wer dyffencyd by thylke sygne,
That no whyht myghte ageyn [[geyn St.]] hem malygne.
'And, ffor to kepë thys castel,
I forgetë neueradel [folio 185b]
Line 12124
To be mor myghty by vertu,
To marke my wyndowës wyth Tav,
The wyndowes off my wyttys ffyue,
Ageyn my ffoomen ffor to stryue,
Line 12128
That my ffoomen spyrytual
Entre nat by no ffenestrall.
'Now, as thow lyst me to comaunde,
I haue answeryd to thy demaunde;
Line 12132
And my name (in conclusïoun)
Ys callyd Mortificacioun
Off the fflessh, or chástysyng,
Oppression, or ellys dawntyng.
Line 12136
'Ches now, off thys namys alle,
By wych thát thow wylt me calle;
And god I praye, wyth al myn herte,
To grauntë me I may aduerte,
Line 12140
ffor wysdom or ffor ffolye,
