The spyryt:
Than quod the spyryt, 'syth yt ys so,
I shal the telle what I wyl do:
To kepe me (bothë ffer & ner)
ffrom al peryl & al daunger
Line 12028
That thow woldest don to me:
Thow shalt be stylle vp on thys Tre
Tyl thow, by ffeythful obeysaunce,
Be mek & humble to my plesaunce.
Line 12032
'Yet shaltow nat ay her abyde;
ffor I shal gon, & be thy guyde;
And thow shalt (wyth-outë lak)
Wyth a croos vp-on thy bak,
Line 12036
Wyth spyryt off humylyte,
ffolwe, & bern yt affter me,
Off hool entent, in [[and St.]] al vertu,
That thow mayst swën cryst ihesu,
Line 12040
Wych in hys gospel byt & seyth,
(To whom men musten yiven ffeyth,)
'He ys nat worthy (thus seyth he)
Nor hable for to ffolwe me,
Line 12044
The wych, vp on hys shuldere,
Lyst, off dysdeyn, no croos to [[to om. St.]] bere.'
He bar yt ffyrst hym sylff, certeyn,
Wyth-outë gruchchyng or dysdeyn
Line 12048
To shewe exaumple & sygne also, [Stowe folio 212a]
That affter hym we sholdë go
Crossyd off entencïoun,
Remembrynge on hys passioun.' [folio 184b]
Line 12052
The pylgrym to the spyryt:
To the spyryt tho quod I:
"Tel and declarë ffeythfully,
What nedede yt so many place
To crossen hym in hed & fface?
Line 12056
I pray the, techë me A-noon,
Or we any fferther gon."
Mortyfycacioun off the body:
'Yiff thow kanst vnderstondë wel,
To me was youen a castel
Line 12060
Whan I kam ffyrst to thys contre,
