And so I gan to hyre doctryne
Myn erys besyly enclyne,
Line 11952
fful wel avysyng me ryht tho,
By wych posterne I sholdë go. [folio 183a]
And whyl I gan be-thynkë me,
To-for my fface I dydë se
Line 11956
A body vp on a cross dystreyned,
And, as me thouhtë, gretly peyned, [[Blank in MS. for an Illumination.]]
To-fforn, a syde, and at the bak.
And to the body a spyryt spak,
Line 11960
The body crossyd lyk a roode,
The spyryt in the weyë stood;
The body ek (as thouhtë me,)
Myd the hegh, hong on a tre,
Line 11964
Hys wyttys crossyd, as ye shal here,
Mouth, handys, Eye & Ere; [Stowe folio 210b]
The nase also, for smellyng,
Was crossyd ek, to my semyng.
Line 11968
And [[And St., An C.]] on the spyryt my look I layde,
And to hym ryht thus I sayde:
The pyl m:
"I pray the, ffrend, tel me A-noon,
Or we any ferther gon,
Line 11972
What causeth the to stonden here:
I am abaysshyd off thy chere,
But thow (lyk myn affeccïoun)
Make a declaracïoun,"
Line 11976
Mortyfycacioun off the body:
'I am a pylgrym (soth to seye,)
That wolde ha take the samë weye
fful yore agon, ne haddë be
Thys lord that hangeth vp on the tre:
Line 11980
ffro the weye on the tother syde
He brouhtë me, and was my guyde; [folio 183b]
Me made (ther ys no mor to seye,)
Vn-to hys lust ffully tobeye,
Line 11984
And Tacomplysshe hys byddyng
Wyth-oute gruchchyng in euery thyng.
'But trowly in thys passage
