'ffor verrayly (who kan devyse)
Yt ys founde out but in O [[in on St.]] wyse;
Line 11912
Yet ffolkys ffayllë dyuersly
To ffynde yt out by geometry.
An Archer eke, in thynne and thykke, [Stowe folio 209b] [folio 182b]
Faylleth somtyme off the prykke. [[St. & C.]]
Line 11916
¶ Whërfore, to ffynde the ryhtë weye, [[St. & C.]]
Yt ys good, to god to preye. [[St. & C.]]
Yet in prayere, bothe day & night, [[St. & C.]]
The weyë goth nat alway ryht,
Line 11920
ffor, bothe in psalmys & in vers
Ther ben pathys fful dyuers,
And also ek in Orysouns,
Out forkyd by entencïouns;
Line 11924
As thus: who that kan aduerte:
The mouth dyuerseth ffro the herte;
But herte and mouth be bothen on:
By dyuers pathys, in soth, they gon;
Line 11928
And, (pleynly ffor to specefye,)
Somme preyë, by ypocrysye,
Off the peple to be seyn,
And ther prayer ys but in veyn;
Line 11932
Somme also preyë ffor Rychesse,
To wynnë worshepe & noblesse,
Tave [[C., St. To have]] encres & in worldly glorye,
And, ffor thyngës transytorye,
Line 11936
Worldly honour ffor to wynne,
Prayer ek mad [[eke made. [Stowe folio 210a] ]] in dedly synne,
ffor cruelte or ffor vengaunce,
Or, to brynge men to meschaunce:
Line 11940
Swych prayer hath no deuocyoun;
Yt ys nat worth a smal botoun,
'Al thyse ar [[Alle thes arn St.]] pathys fforkyd wrong
To make pylgrymës eueramong
Line 11944
To gon Amys in ther passáge.
'And syth [[syth St., wych C.]] thow gost on pylgrymage,
Evere enquerë, nyht and day, [State super vias, et interrogate de semitybus. [[semitis (rightly) St.]] Ieremie Capitulo 6. [16]]
Tyl thow ha founde the ryhtë way;
Line 11948
Lat, in thyn askyng, be no slouthe
Tyl thow be brouht vn-to the trouthe.'
