'Semblably as dyuers tres,
Kankres han in ther degres,
Ryht so vertues (doutëles)
Han dyuers extremytes,
Line 11836
Kankres at outher ende,
That ffrete on hem wherso they wende.
'Lo, her, Exaumple in especyal!
fforce ys a vertu Cardynal, [folio 181b]
Line 11840
The wych hath a kanker double,
On outher party hym to trowble,
To dystroye hym nyht & day
Yiff they ne be nat kut a-way
Line 11844
Wonder peryllous to deuyse;
The ton ys callyd 'Cowardyse'; [Stowe folio 208b]
The tother (yiff I shal expresse)
Ycallyd ys 'Foolhardynesse,'
Line 11848
Wych wyth fforce may nat abyde,
They be so ffer set out asyde,
ffer ffro fforce at two posternys.
But fforce so wysly hym gouernys
Line 11852
That he hath no thyng a-doo
Wyth noon of thys wermys two;
ffor in myd place (as I yow tolde) [In medio consistit virtus.]
fforce, off custom doth hym holde.
Line 11856
'A-nother exaumple ye may se
Touchynge Lyberalyte,
Wych hath also (who kan dyscerne)
Set ffer ffrom hym at a posterne
Line 11860
The ffalsë werm off coveytyse,
Wych ys ycallyd Auaryse.
'The tother Kanker (who lyst se)
Ys callyd Prodygalyte;
Line 11864
And a-twen thys wermys tweyne,
Myddë [[Mydde St., Myd C.]] place (ffor mor certeyne)
Halt hym Lyberalyte.
Go, red Ethikes, wher thow shalt se
Line 11868
(Whan-so-euere that thow ha space)
Vertu set ay in myd [[mydde St.]] place,
Wher as they most clerly shyne,
And many kankres wych on hem myne.
Line 11872
