'Thys, mor plesaunt & redy.
Line 11680
Now, syth thow hast dyscrecïoun
Mak thy sylff Elleccyoun.'
The pylgrym:
"Trew[ë]ly," quod I a-noon,
"Thys two weyës wer but on, [[oon St.]]
Line 11684
Ne wer only (as ye may sen)
Thys ylkë heegg that stant betwen.
Wherfor I pray that ye nat lette,
To tellë who the heggg her sette."
Line 11688
Ydelnesse:
'Touchyng thys heg that stondeth here,
Yt was maad (yiff thow lyst lere,)
Off a gret turmenteresse
Wych doth to ffolk fful gret dystresse;
Line 11692
And she maketh pylgrymës alle, [Stowe folio 206a]
Penytence, hyr sylff to calle.
Who hath wyth hyre Aqueyntaunce,
Muste endurë gret penaunce:
Line 11696
Hatfful she ys off cher & fface
To alle that by thys weyë pace,—
I mene, the weye that I am Inne;—
But who that lyst ffro me to twynne,
Line 11700
And the tother weyë take, [folio 179b] [[St. & C.]]
I dar pleynly vndertake, [[St. & C.]]
On leg, on ffoot, on too & hele, [[St. & C.]]
He shal fful sharpë thornys ffele,
Line 11704
Gret prykyng, I the ensure,
And sharp, wyth-outen al mesure,
ffor they be sharpe, & no-thyng soffte.
'And thys lady kometh fful offte
Line 11708
(I mene thys lady dame Penaunce
Wyth whom I ha noon ácqueyntaunce);
To thys heg she kometh al day,
Maketh yerdys, & goth hyr way,
Line 11712
Besmys also, [[also St., alle C.]] sotyl & queynte.
And day nor nyht she doth nat ffeynte
To make ay newe in hyr werkynge,
Instrumentys ffor chástysynge
Line 11716
Off synnë, by gret ordynaunce,
