'My glovys streythly on to sette:
Line 11640
I take off no-thyng ellës hed,
But, offte a day, kombe myn hed,
Prye ech hour in a merour,—
God wot, that ys most my labour,—
Line 11644
Wake a nyhtys, slepe a day, [[C. & St.]]
And specyally the haly day [[C. & St.]]
I studye among (thys the caas) [[C. & St.]]
In Elenches off ffallas,
Line 11648
Out to ffyndë thyngës newe,
To makë ffablys semë trewe;
And, above al other thynges,
On romauncys ffondyd on lesynges,
Line 11652
Ther-in ys my studye most.
'And I am ek, in euery cost,
Paramour to thy body,
Yt to cherysshe in al ffolye.
Line 11656
And wherso that thow slepe or wake,
Labour, I makë the forsake;
And by my wyl (ek in certeyne)
Thow shalt dure [[endure St.]] no maner peyne,
Line 11660
But lyon, [[lyen St.]] sewen, & make a-vaunt,
And muryely pleyen the Galawnt.
'I make ffolk, vp-on ther hed,
To were chaplettys off whyht & red,
Line 11664
Pyke her nayllës, wernays take,
And al travayllë to forsake,
Studye ffor to ffynde off newe, [Stowe folio 205b] [folio 179a]
Devyses mad off many an hewe,
Line 11668
ffolk to make hem ffressh & gay,
And hem dysguyse in ther array:
Thys myn offys, yer by yere.
'Now ches a-noon, whyl thow art here,
Line 11672
Wychë weyë [[Whiche way St.]] thow wylt take;
And wherso that thow slepe or wake,
Thow shalt lerne a thyng off me:
Thys samë weye wych thow dost se,
Line 11676
Ys large & pleyn, esy to pace;
The tother, streiht, & hard to trace,
And ffewë ffolkys go ther-by:
