'Wych wyth labour & wyth swet [[C. & St.]]
Line 11524
Haue youë ffoodë & pasture
To euery levyng creäture,
Bothe to best & ek to man,
Syth [[Syth the St.]] tymë that the world be-gan
Line 11528
Wher-off I am no thyng to blame.
And my verray ryhtë name
Ys (wyth-oute mor sarmon)
"Labour & Occupacioun." [[Nota St. later]]
Line 11532
'I rechchë nat, whan al ys do,
Wych thow me calle off bothë two;
And folkys alle that stonde in grace,
By me vn-to the cyte pace
Line 11536
The ryhtë way wyth-outë lak.
And for that ffyrst to me thow spak,
The ryhtë way, [[weye, 316/11,596]] thé to lere,
Off thys two weyës that ben here,
Line 11540
And I ha told the myn avys,
Now ches the beste, syth thow art wys.'
The pylgrym:
And than a-noon, as ye shal here, [Stowe folio 203b]
Whyl we spak togydre yffere,
Line 11544
My body (for hys gret plesaunce)
Gat hym wyth youthë ácqueyntaunce,
& bothë, voyded off dyscord,
Wher [[Were St.]] yfalle off on accord.
Line 11548
"And Yowthe (off wych aforn I sayde)
Vn-to me thus gan abrayde:
'Yt wer syttynge (as semeth me)
And accordynge to thy degre,
Line 11552
To gon and getyn áqueyntaunce,
And, to haue som dalyaunce,
The bet thy sylff ffor to provyde
Wyth hyr that syt on the lefft syde,
Line 11556
Thylkë damysele, I mene, [folio 177b] [[C. & St.]]
Which ys so goodly on to sene, [[C. & St.]]
And to hyr doctryne yiue som feyth. [[C. & St.]]
And thow mayst sen how that she leyth
Line 11560
Vnder hyr armole, hyr on hond;
And (yiff thow kanst wel vnderstond)
