'That hys wysdom wer ffoly, [[St. & C.]]
Line 11484
And that he wer a fool at al
By oypynyoun general:
So they reherse in ther sentence;
ffor wysdom now, & sapyence,
Line 11488
Practyk off phylosofye, [[St. & C.]]
Off arsmetryk & gemetrye,
Off Astronómye & musyk,
And experyence off physyk,
Line 11492
Ys ffled now fro vnyuersytes,
And dwelleth in borwes & cytes
Wyth folk that wel arrayed be
At the eye, as men may se.
Line 11496
'And ffarwel konnyng, now euery day,
Wher ther ys no ffressh array!
Wyth-oute array, konnyng, farwel!
Wherfor I merveylle neueradel
Line 11500
Thogh thow me settyst at no prys,
Nor thogh thow holdest me nat wys,
By cause my ray ys al to-rent.
And yet, by good avysëment,
Line 11504
Yiff thow lokë wel aboute,
I am he (yt ys no doute,)
Who so lyst to taken hed,)
That yiue to allë [[alle St., alle C.]] folk ther bred,
Or shortly (ellys for to seye) [Nota. Nota. St. (later).]
They sholde ellys for hunger deye,
Ne werë [[werë St., wer C.]] I & my werchyng;
Ye, bothe adam & hys off-spryng. [Stowe folio 203a]
Line 11512
Hadde I nat be, (yt ys no ffaylle,)
What myghte the gret shyp avaylle
Off Noe (in conclusïoun)
Nor al hys generacïoun?
Line 11516
'And, ffor to speke in general,
I sustene & ber vp al,
& yt ys I, ech hour & space,
That makth the tymë shortly pace
Line 11520
Wyth-oute anoy or pérturbaunce; [folio 177a]
ffor I am he, by rémembraunce,
Syth adam the Appyl heet, [[C. & St.]]
