'And contynual dyllygence,
Born vp wyth vertuous labour, [folio 176a]
Ys bet than any ffoorbysshour
Line 11448
Ageyn the rust off ydelnesse,
Off vertu to gyue perfyt clernesse.'
The pylgrym: [Stowe folio 202a]
"Now, gentyl ffrend," a-noon quod I,
"Tel me thy namë trew[ë]ly,
Line 11452
Wych art so wys off answerynge:
Tel on, & mak no mor taryynge."
The Natte-makere:
'To telle the trouthë verrayly,
Yt befalleth comounly
Line 11456
(As clerkys wrytë, that be sad, [[sadde . . .cladde St.]] )
Whan a man ys ffebly clad, [[sadde . . .cladde St.]]
And outward hath noon ápparence,
Phylysophres (in ther sentence)
Line 11460
And Ek poetys that wer wys,
They seyn swych on ys off no prys
Nor off no reputacïoun
Affter the worldys oppynyoun.
Line 11464
And thys comounly the language
That thylkë ffolkys be most sage,
And wysest holden (in certeyn),
That be ffressh, & wel beseyn,
Line 11468
And kan make hem syluen gay
Wyth ryche fforewrys & array,
And devyses most vnkouth,
Line 11471
Swych ffolk, in euery manhys [[mannys St.]] mouth,
Be wysest holde in thys world here.
'And ouermor, as ye shal lere,
Thogh a man wer neuere so wys,
And haddë lernyd at Parys,
Line 11476
Thys thryrty yer at scolë be
In that noble vnyuersyte,
And haddë ful experyence
Off euery wysdom & scyence, [Stowe folio 202b]
Line 11480
& koude exponen euery doute,
And wer but porely clad wyth-oute,
Men woldë deme most comounly [folio 176b]
