'May nat alle refusyd be:
Line 11408
Crafftys poore be necessarye;
And ffor me, lyst the nat to tarye,
Euery crafft (& thus I mene) [folio 175b]
Mut gouerne other, & sustene,
Line 11412
So yt be don wyth-outë slouthe,
And duëly ywrouht in trouthe;
And thus thow shalt my wordys take.
Line 11415
And thogh that I make & vnmake, [Non ffacile capitur a di|abolo, qui bono vacat ex|ercicio / Ieronimus.]
Blame me nat, ffor (in sothnesse)
I do yt to voyden ydelnesse.
'And yiff I, lyk thyn oppynyoun,
Koude other occupacïoun,
Line 11420
I wolde yt done, be wel certeyn, [Stowe folio 201b]
And nat vnmake thys natte ageyn,
ffor wych thow dost repreuë me.
And her, O thyng I axe off the:
Line 11424
What ys the causë (ffer or ner)
That a swerd burnysshed cler,
Somwhyle rusteth, as thow mayst se,
Leseth hys bryhtnesse & bewte?'
Line 11428
The pylgrym:
"Touchyng thyn askyng, in certeyn,
Me to answere, yt wer but weyn;
Thow hast thy sylff (who kan ffel,)
The cause ytold, pleynly & wel."
Line 11432
The Natte-makere:
'So as a swerd (I dar expresse,)
Yffadyd ys off hys bryhtnesse,
And off hys clernesse ek also,
Whan men take noon hed ther-to,
Line 11436
But rusteth & ffareth al amys,
Ryght so a man that ydel ys,
& kan hym sylff nat occupye,
(By resemblaunce thow mayst espye,)
Line 11440
In-to hys [[In thy St.]] sowle (thus I be-gynne)
The rust off vyces or off synne
Doth a-way (wyth-outë gesse)
Off allë [[alle St., al C.]] vertu the clernesse;
Line 11444
But excercysë (in sentence)
