The Natte-makere:
'Trewly, syr, wyth your grace, [Stowe folio 199b]
I sytte no thyng in thys place
Line 11292
ffor to techë men the weye;
Nor, pylgrymës to conveye,
Yt ys no parcel off my charge;
But off thys tweynë weyës large,
Line 11296
As ffolk reporte in many lond,
That the weye on the lefft hond,
Wher-as the damysele doth sytte,
(And ne lyst nat for to fflytte,)
Line 11300
Ys a passage ful peryllous, [folio 174a]
And to pylgrymës éncombrous.
And thys damyselë queynte,
Off malys doth neuere feynte
Line 11304
To callë pylgrymes nyht & day,
To make hem go the samë way,
Wher they do gret pereyl ffele,
Be they armyd neuere so wel.
Line 11308
'But, trewly, by myn avys,
Swych pylgrymës as be wys,
They that ben in vertu strong,
Shal lete the way that ly[e]th wrong,
Line 11312
And tracen in hyr pylgrymage
On the ryht hand in ther vyage;
The wych, fful many on hath take,
And affterward hath yt for-sake,
Line 11316
Brooke thorgh the hegg by vyolence,
And ther-in don fful gret offence;
Toward the lefft path tournyd bak,
Tyl they ha fallyn on the wrak
Line 11320
Off ffalsë guydës: by the lore
Off me, her-off thow gest [[gest St.]] no more:
Wherso that thow wynne or lese,
Off thys two weyës thow mayst chese.'
Line 11324
The pylgrym ./ [Stowe folio 200a]
"Syre, I pray the off o thyng:
Touchyng thy labour in [[and St.]] werchyng,
Tel me the causë (in certeyn)
Why makestow, & vndost ageyn
Line 11328
