The pylgrym: [Stowe folio 198a]
"To Ierusalem, the ryhtë way
I wyl holde, yiff that I may."
Line 11220
Yowthe:
Quod yowthe, 'ther ys no mor to seye;
A whylë I wyl the conveye.'
The pylgrym:
"Kan ye techë me a-noon
The ryhtë way how I shal gon?"
Line 11224
Yowthe:
'ffor soth,' quod yowthë, 'nat ryht wel,
But we shal faylle neueradel;
ffor we shal ffyndë wel certeyn
Som whyht that shal the trouthë seyn,
Line 11228
And the ryhtë weye vs lere.'
And whyl that we spak thus yffere,
So as yowthe gan me conveye,
Me thouthe I sawh a fforkyd weye
Line 11232
Partyng at an heg on tweyne,
Thykke and thornyssh in certeyne;
And hadde nat the heg ybe,
The samë way, as semptë me, [[St. and C.]] [folio 173a]
By the which I sholde ha gon, [[St. and C.]]
Hadde in sothnesse ben but on;
But the heg wych stood atwen,
Departyd yt (men myghtë sen), [Stowe folio 198b]
Line 11240
And the passage ek devyde:
The ton was set on the ryht syde;
The tother path (I gan be-holde)
On the lefft party gon holde.
Line 11244
And on the lefft hand I sawh a-noon
A damysele sytte on a ston;
Hyr on [[oon St.]] hand on hyr brest was layd,
And in the tother (as I abrayd) [[Blank in MS. for an Illumination.]]
Line 11248
She held a glouë vantounly, [[Glove wantonly St., glove v . . C.]]
And tournyd yt fful ffetysly
Aboute hyr ffyngres vp & doun.
And shortly in conclusïoun,
Line 11252
By maner off hyr gouernaunce
