'Pleye at the cloos, among, I shal,
And somwhyle Rennyn at the bal
Wyth a Staff mad lyk an hook;
And I wyl han a kampyng crook;
Line 11184
ffor I desyre, in my depos,
ffor to han noon other croos.
'And among, I wyl nat spare
To hunte for hert, ffor buk & hare;
Line 11188
Somtyme ffysshe, & cachchë ffowlys,
And somtyme pleyen at the bowlys;
Among, shetyn [[sheten St.]] at bessellys,
And affter pleyn [[pleyen St.]] at the merellys, [Stowe folio 197b]
Now at the dees, in my yong age, [[pleyen St.]]
Line 11193
Bothe at hassard & passage;
Now at the ches, now at the tablys,
Rede no storyes but on ffablys,
Line 11196
On thyng that ys nat worth a lek;
Pleye at the keylës & the quek;
Somwhyle my wyttys I applye
To herë song & menstralcye,
Line 11200
And pleye on dyuers Instrumentys:
And the ffyn of myn entent ys
To folwe the lust off my coráge, [folio 172b]
And to spendë my yonge age
Line 11204
In merthe only, & in soláce,
ffolwe my lustys in ech pláce;
Ther-to hooly I me enclyne,
Rather than to han doctryne
Line 11208
Off ffader, moder, thogh they be wyse,
Al ther techyng I despyse;
And in no thyng ys set my cure,
But my lustys to procure.'
Line 11212
The pylgrym:
"Trewly," quod I a-noon ryht tho,
"Woldë god yt stoodë so
That ye wer mevyd, & that a-noon,
To passe the way that I shal gon."
Line 11216
Yowthe:
'Whyder-ward (tel on, lat se,)
Wyltow holden thy Iourne?'
