Your name I woldë wyte also."
Line 11104
The ffetherede:
'Certys,' quod she, 'whan thow dost knowe
The causë pleynly (hih & lowe)
Wheroff I serue, sothly in dede
Line 11107
Thow shalt off me han ful gret drede.' [[drede St., dede C.]]
The pylgrym:
"Ye ben trewly (as semeth me)
So ffressh and vnkouth for to se,
Se lusty ek off port & chere,
That no man myghtë beyn [[byen St.]] to dere,
Line 11112
Off yow to han possessïoun:
And me semeth off resoun,
(By lyklynesse, as I kan ffel,)
A man myghte nat louë to wel
Line 11116
Your persone, by lyklyhede.
And as touchynge any drede
That men sholde han off you, certeyn,
Me semeth swych dred wer but in veyn."
Line 11120
The ffetherede:
'Thow seyst fful soth, & ryght trewly:
Who me vseth prudently,
And nat outrageth in no wyse,
But hym gouérneth lyk the wyse,
Line 11124
Swych, fro pereyl may wel eskape. [Stowe folio 196b]
And trust her-on, (yt ys no jape,) [folio 171b]
My gouernaunce (who kan espye),
Ther-in ys foundë no ffolye;
Line 11128
And yet off custom, at the laste,
In gretë [[grete St., gret C.]] pereyll, ffolk I caste,
(As yt ys fful offtë seyn)
And longe or they may ryse ageyn.
Line 11132
'And my name ys ek fful kouthe,
ffor I am ycallyd 'youthe';
I passë bothe thorgh thynne & thykke,
And I kan wynse ageyn the prykke,
Line 11136
As wyldë coltys in Arras,
Or as bayard out off the tras,
Tyl I a lassh haue off the whyppe;
ffor now I renne, & now I skyppe,
Line 11140
