'And nat departe out off thy siht
Al the whyle that thow gost ryht,
Line 11028
And holdest forth the evene way;
But offtë sithe (yt ys no nay)
Ther shal a-twen vs (who espyes,)
Arysë two fful vnkouth [[vnkouthe St.]] skyes,
Line 11032
Wonder blak off ther colours,
Off smoky mystës & vapours,
That somwhylë, off dyrknesse
And off the owgly ffoul thyknesse,
Line 11036
Off sondry chaunges that shal be,
Thow shalt lese the syht off me.
'And somtyme, ful glad off chere,
Thow shalt se me ffressh & cler,
Line 11040
Affter the weye that thow dost holde,
Lyk to-forn, as I the tolde.
ffor thow holdest the weyë ryht,
Thow shalt se me cler & bryht.
Line 11044
'And fynally, yiff thow go wrong,
I wyl me hyden (euere among,) [Stowe folio 195a]
Out off thy syht, & shrowden me
That thow shalt me nowher se.
Line 11048
'Wherfor, off me whan thow hast nede,
Sek me no ferther (as I rede)
Her nor ther, vp-on no syde,
But wher thy syluen dost abyde.
Line 11052
Yiff thow me seke ther duëly,
Thow shalt me fynden ay redy.
'Now, on thy Iourne, forth the spede
Syth to tarye thow hast no nede.'
Line 11056
Ye pilgrime. [[In Stowe's hand.]]
Off hyre answere I wex al sad, [[sadde . . .badde St.]]
Yet forth I wente, as she me bad, [[sadde . . .badde St.]]
Remewynge me [[me St., om. C.]] fro that place,
Me recomaundynge to hyr grace;
Line 11060
And praydë god ful Enterly
Me to conveyë sykerly, [folio 170b]
Wyth-outen any dysturbaunce,
And me to sauen fro myschaunce,
Line 11064
To be my guyde, & wysshen me
