'In hys Rudnesse he kepte hym cloos, [folio 169b]
And wyl nat chaungen hys purpos.
'Wherfor go forth, & ha no drede,
Nor tak off hym no maner hede;
Line 10992
But hold thy weyë [[way St.]] forth as blyue;
ffor, wyth a cherl to stonde & stryue,
Yt woldë nat but lyte avaylle:
Lat hym wyth hys wyndes saylle,
Line 10996
ffrowardly ageyn the strem,
Whil thow gost to Ierusaleem.
Be off hym no thyng afferd,
Thogh he shake on thè hys berd;
Line 11000
Lat hym gruchche, & mowhës make,
And his Chyn vp-on thè shake,
Wexe ek palë for envye
And on hys staff 'obstynacye'
Line 11004
Lat hym reste, & stondë stylle:
Hold thow thy way / ay forth at wylle!'
The pylgrym.
"Ma dame," quod I, "yt stondeth so,
I wot nat what ys best to do,
Line 11008
But ye, off your benygnyte,
Lyst for to conveyë me
And ben my guyde vp-on the way,
Me to gouernë nyht & day,
Line 11012
Tyl I kome to that cyte
Wych I castë for to se.
ffor, wyth-outë yow, certeyn
My labour ys nat but in veyn: [Stowe folio 194b]
Line 11016
Yt ys so peryllous a passage,
That I shal ffynde in my vyage
Many anoyes, mo than on,
I kan nat rekne hem euerychon;
Line 11020
Pereilles that on [[in St.]] the weyë lye;
But yiff I haddë companye
Off yow, yt wolde ynowh suffyse
Me to supporte in many wyse."
Line 11024
Resoun:
Quod Resoun thanne a-noon to me, [folio 170a]
'fful wel I myghtë gon wyth the,
