'Holden myn owne, as yt ys ryht,
Mawgre thy power & thy myght.' [folio 169a]
Line 10952
Resoun:
Quod Resoun; 'thanne I se ful wel,
And aparceyuë [[apperceyve yt St.]] euerydel,
By thy wordys Rude & pleyn, [Stowe folio 193b]
That yt were to me but veyn,
Line 10956
Mor to talke off thys matere
To the, wych that lyst nat here, [[lere St.]]
Nor accorde to myn Entent;
But, at the gretë Iugëment
Line 10960
Wher tassyses [[Thassyses St.]] shal be holde,
Al couert falsenesse to vnfolde,
I somowne the, ther tappere,
To Answere in thys matere!
Line 10964
Looke thow be ther, thylkë day,
Wyth-oute prolongyng or delay.'
Affter al thys, (as ye shal se,)
Resoun kam ageyn to me,
Line 10968
And bad me go forth on my way,
And ha no dred, [[drede St.]] nyht nor day
Off thys Rud Entendëment;
(Resoun.)
'ffor fynally, (in sentement,)
Line 10972
Wyth-inne an hevy styth off stel,
A ffethre sholde entre as wel
As any doctryne (yt ys no dred)
Sholde entre in-to hys hed.
Line 10976
'ffor thys Rud entendëment
Ys wyth Rudnesse so yblent,
That dyamaunt, I trowe, ys noon,
Nor noon other maner ston
Line 10980
So indurat, to mollefye,
As he; for ffals obstynacye
Hath blendyd [[blyndede St.]] hym by hyr decyt,
That wher he cachcheth a conceyt,
Line 10984
Ther-vp-on he wyl ay holde,
ffor all the skylës that I tolde;
Nor resoun that I koudë seyn, [Stowe folio 194a]
Al was but lost, and sayd in veyn;
Line 10988
