'That, thorgh ther pompous surquedye,
Line 10912
Ther ownë deth (for lak off grace,)
They dydë wylfully purchace; [folio 168b]
ffor they were pompous & Ellat,
And in ther hertys indurat,
Line 10916
Ek obstynat in ther entent,
Only for Rud Entendëment;
Was to her gretë dysavayl,
The pryncypal off ther counsayl.
Line 10920
'ffor thys cherl, ffroward & ffel,
Made hem for to be rebel,
And voyden (shortly in sentence)
The vertu off obedience;
Line 10924
Ek ouermor (as thow shalt se,)
Yiff Rud Entendement naddë be,
The Iewës (in conclusïoun)
Hadde lefft [[leffte St.]] ther oppynyoun,
Line 10928
And ther heresyes wyth-drawe, [Stowe folio 193a]
And tournyd hem to crystys lawe;
And, in ther conversïoun,
Take the skryppe & the bordoun,
Line 10932
And lyk pylgrymès hem gouérnyd,
And ful clerly ek dyscernyd,
Wych now he dyrked vnder skye,
Only for ther obstynacye.
Line 10936
'That staff, I rede the to ley doun,
And leff thy Rude oppynyoun;
And leue ther-on no mor at al,
Lyst at the laste thow haue a ffal.'
Line 10940
Rud Entendement:
Quod Rud entendement to [[vnto St.]] Resoun:
'Thy proverbys, nor thy sermoun,
Nor al that euere thow dost me rede,
I take ther-off no maner hede,
Line 10944
ffor al thy peynted wordys swete,
My staff in soth I wyl nat lete;
But as me thynketh for the beste,
Ther-vp-on I wyl me reste,
Line 10948
Wher-euere I walkë by the weye,
And in ryht nouht to the obeye,
