'To folk that vnderstonde a-ryht—
Than to swych, wych in ther thouht
Vnderstonde ther-off ryht nouht;
Line 10876
Euene lyk (& thus I mene)
As in A medwe ffressh & grene,
Wher as folkys do repayre, [folio 168a]
The mor that ther be flourys fayre,
Line 10880
Lusty, soote, & fressh off hewe,
Spredynge a-brood wyth bawmë newe,
ffolkys, the mo [[more St.]] (I dar endyte)
To loke ther-on hem-sylff delyte.'
Line 10884
Rude Entendement [[St., om. C.]] :
Thys cherl, boystous [[boystous C., om. St.]] in hys entent,
Callyd 'Rud Entendëment,'
ffroward in hys oppynyoun,
Abrayde a-non vn-to Resoun.
Line 10888
Quod he felly, to ben a-wreke,
'Yt ar but fantasmes that ye speke;
ffor, pleynly, as thynketh me,
'ffalsnesse,' ye namen now bewte.
Line 10892
Off trouthe also (yt ys no drede,)
Ye lyst take no maner hede.
Do her-vp-on what euer ye kan,
ffor I wyl holde that I be-gan.'
Line 10896
Resoun [[St., om. C.]] :
'Certys,' quod Resoun, 'a-noon ryht tho, [Stowe folio 192b]
Thow ne shalt no thyng do so;
But (for short conclusïoun)
Thow shalt ley thy staff a-doun;
Line 10900
Thow hast lenyd ther-on to longe,
Thorgh oppynyouns ffals & wronge;
And folyly, affter thy lust,
Ther-in to mychë [[inne to muche St.]] set thy trust,
Line 10904
ffor by thys staffë [[staffe St., staff C.]] (lyst to me,)
In the byble as thow mayst se,
Nabaal & kyng Pharaoun
Wer brouht vn-to confusïoun:
Line 10908
They lynede [[lenede St.]] so longe vp-on that staff
Wych that pryde vn-to hem gaff,
The staff callyd 'obstynacye,'
