'Yt were ful hard off the to wynne,
Line 10720
Or to getyn ávauntage;
Thow art so prudent & so sage,
And dost in wysdam so excelle.
'But I pray the for to telle,
Line 10724
What ys thy name, Est or west,
By wych thow art knowë best:
As I conceyue in my entent, [Stowe folio 189b]
Artow nat rude Entendëment?'
Line 10728
Rude Entendement: [[St., om. C.]]
Quod rudentendement [[Rude Entendement St.]] ryht tho,
'Thogh that men me callë so
By my name, (what so they mene,)
I am nat swych lyk as they wene;
Line 10732
ffor yt may pleynly so befalle,
That somme off hem that so me calle,
Yiff they consydre by & by,
They be mór Rud [[Rude St.]] than am I,
Line 10736
And mor ek insuffycyent [folio 166a]
Off konnyng, as by Iugëment.'
Resoun: [[St., om. C.]]
Quod resoun thanne, ful sad off cher,
'Touchyng that thow hast sayd [[seyde St.]] her,
Line 10740
Yt doth ynowh to me suffyse;
But, I merveille in what wyse,
Why or wharfore, so by deceyt
That thow lyggest in a-wayt
Line 10744
Vp-on the weyes (yt ys no faylle)
Pylgrymes only to assaylle,
In cytes, borwes, & in touns,
ffor to reue hem ther bordouns;
Line 10748
Her skryppes ek to take away,
As they walkë by the way.
'Tel on platly, & nat spare;
But thy power ffyrst declare,
Line 10752
How thow art bold, & hast no ryht [Stowe folio 190a]
So toffendyn in the siht
Off gracë dieu, (as I ha sayd,)
Wych ys, sothly, evele apayd,
Line 10756
And taketh gretly in greuaunce
