'The peple present, them be-forn,
Stelynge ther greyn & ek ther corn.'
Line 10604
Reson: [[In Stowe's hand. Resoun St.]]
'Record off ffolkys that be sage, [Stowe folio 187b]
'Sclaundere ys no vasselage;'
And phylosofres ek expresse,
'To sclaundere, ys no worthynesse,
Line 10608
Nor dyffamës, forth to telle.'
'And as touchyng off the melle,
Thow myghtest ther peráventure
Seen & be-holden A mesure
Line 10612
Wych (by folkys oppynyoun,)
Bereth the name off 'Resoun.'
And wyle [[while St.]] that folkys so yt calle,
Line 10615
To shrowde hys falshede, & tapalle, [[to palle St.]]
But [[But, om. St.]] for al that, (yt ys no drede,
Who that wysly taketh hede,)
Thogh yt bere name off Resoun,
Yt ys but fals decepcïoun,
Line 10620
Vnder a colour off ffals laude,
ffor to hyden deceyt & fraude.
'A-Twyxe a name, & éxistence,
Men mvt [[mowe St.]] sette a dyfference;
Line 10624
ffor vnder name off sothfastnesse,
Offte ys wrouht ful gret falsnesse;
And vnder honest couerture,
Offte ys hyd ful gret ordure.
Line 10628
In many a place yt ys ek seyn,
That pompë, pryde, and fals dysdeyn,
Courtyned [[Contyned St.]] wyth humylyte,
7Assenden to grete7 [[7_7 St. (C burnt)]] dygnyte; [folio 164b]
Line 10632
But feyned symplesse, out off doute,
At the laste yt breketh oute.
'Ech vyce ek (in conclusïoun)
Haueth thys condycyoun,
Line 10636
To shewen out an exaumplayre [Stowe folio 188a]
Off vertu, wych that ys contrayre
To hym by fals ápparence,
To yive a maner evydence
Line 10640
To blynde the peplys, by shewyng
