'Out off a Coffyn a lettre took;
To hym sayde, & spak but lowe,
I wyl that thow my power knowe:
Line 10456
Haue her ther-off inspeccyoun,
And se her my commyssïoun.
And whan thow hast yt rad & seyn, [folio 162a]
Thow shalt wel knowen, in certeyn,
Line 10460
Why I am kome, wyth-outë blame,
My power also, & my name.'
The Vyleyn. [[St., 'vyleyn' in margin, C.]]
Quod he, wych koude no curteysye,
'I koudë neuere yet [[yitt no St.]] clergye.
Line 10464
And yiff thy power shal be wyst,
Red yt thy sylff, yiff that the lyst.'
And she yt raddë wyth good wylle:
The cherl was coy & stood ful stylle.
Line 10468
And whan that he hyr power seth, [Stowe folio 185a]
Grucchynge, he gruntë wyth hys teth,
Hys gretë malys for to kythe,
And shook hys berd fful offtë sythe;
Line 10472
Gan to groynë mor & more,
And off despyt to gruchchë sore,
Whan she hath maad, [[made St.]] ope & cler,
Al theffect off hyr power,
Line 10476
ffro poynt to poynt, vp-on a rowe.
And yiff ye lyst pleynly to knowe,
Loo, her, by declaracïoun,
Hyr power & commyssioun:
Line 10480
The Comision of Reason. [[In Stowe's hand. 'The Comys|sioun off Reasoun' St.]]
'Gracë dieu, by whos gouernaunce,
By whos myght & whos puissaunce,
Kyngës in euery regïoun,
Prynces & lordys off renoun,
Line 10484
Ben gouernyd in ther estatys,
(Bothe Temporal, & ek prelatys,)
To Our cosyn, [[Commyssioun St.]] dame Resoun,
Off fame worthy, & off renoun,
Line 10488
Whom al our court doth magnefye
As to the nexte off our allye,—
Elthe, [[Helthe St.]] Ioye, & contynuance,
