'Ageyn [[Ageyns St.]] the kyngys ordynaunce;
Or to vsurpe by vyolence
A-geyn the precept & dyffence
Line 10380
Off the kyng, wych yore agon
Bad pylgrymes euerychon,
Nat bern, [[brynge St.]] off no presumpcïoun,
Line 10383
Nouther skryppë nor bordoun? [Nichil tuleritis in viam, neque virgam neque peram. Luce 9o Capitulo, (3o versu).]
And thow, off foly gouernaunce,
Dost ageyn hys ordynaunce;
And thow hast (sothly [[shortly St.]] for to seyne,) [Stowe folio 183b]
Offendyd hym in bothë tweyne.
Line 10388
Wherevp-on, answere to me,
How thow durstest hardy be
ffor to don so gret offence
Ageyn hys royal excellence!'
Line 10392
And trewly, in thys sodeyn caas
I gret[e]ly astonyd was,
And, for fer, be-gan to quake,
What Answere I sholdë make
Line 10396
Vn-to hys vnkouthe opposaylle,
Wych for my party myghte avaylle.
And whyl I stood astonyd so, [folio 161a]
At my bak I sawh riht tho
Line 10400
Kome, for my proteccïoun,
A lady that callyd was Resoun,
Wych cryede lowdë vn-to me,
And bad 'I sholde in no degre,
Line 10404
In no wyse, answere ageyn,
ffor my part, to that vyleyn;
ffor she was, by commaundëment
Off Gracë dieu, vn-to me sent,
Line 10408
ffor my party to speke & plete,
And answere hym in al hys heete,
To hym that stood thus in my way.'
And she ne madë no delay
Line 10412
Thys lady Resoun, but abrayde, [[Obreyde St.]]
And to the cherl right thus she sayde:
Resone. [[In Stowe's hand. 'Resoun' St.]]
'Sey, thow cherl,' a-noon quod she,
'What ys thy charge? declarë me!
Line 10416
