Hyr departyng nor absence;
They dyde to me so gret offence.
Line 10304
& yet for-thy, yt ys no nay,
fforth I wente vp-on my way [Stowe folio 182a]
Wych that I afor be-gan.
And in my mynde a-noon yt ran,
Line 10308
To calle memóyre [[Memorye St.]] vn-to me, [folio 159b]
That she sholdë redy be
Tawayte vn-to [[on St.]] me, & don hyr cure
To brynge myn harneys & armure;
Line 10312
And bad she sholde for-gete hem nouht:
And affter me she hath hem brouht,
So as I had lyst in my way,
I fylle in any sodeyn ffray;
Line 10316
And trew[e]ly (yt ys no drede)
I hadde off hem inly gret nede;
ffor I fond gret Encoumbrementys;
By peryllous weyès & by wentys
Line 10320
I hadde had [[had hadde St.]] gret aduersyte,
And offte also in perel be,
Hadde nat myn harneys & armure
Don to me ful gret socour.
Line 10324
Yet offtë, thorgh my slouthe, allas,
I stood in many peryllous caas;
But yiff I hadde wel armyd be,
I haddë nat (in no degre)
Line 10328
Suffryd so myche, yt ys no nay.
But tho beffyl vp-on my way,
As I wente a paas forth pleyn,
I mette a cherl, a gret vyleyn,
Line 10332
Wych in the way a-gayn me wente,
Wyth hys browhës [[Browys St.]] fersly bente:
Hys look, hys cher, al for the wrak,
And a gret staff on hys bak,
Line 10336
Clobbyd, & boystous ffor to se,
& was yhewe [[y-hewyd St.]] out off A tre
Callyd in ffrench A cornowler. [[Cornowber St.]] [Stowe folio 182b]
And whan thys cherl gan neyhen ner,
As yt sempte, by hys passáge,
Line 10341
He wentë nat on [[went not / on his St.]] pylgymage,
