'As they sholde hem neuer ffaylle,
Wych offte ful lytel may avaylle.
Line 10264
They wene ful offte, in ther degre,
By hem for to supportyd be,
Yiff they hadde, in any place,
Outher offendyd or do trespace.
Line 10268
'But towchyng thys, I wyl thow se,
Her-in ne trustë [[Her-Inne / ne trust St.]] nat in me,
Yiff thow offende, nor do nat wel,
I wyl sustene the neueradel, [folio 159a]
Line 10272
Nor supporte the nat ywys, [[St. transposes these lines.]]
To ffyn thow sholdest don amys, [[St. transposes these lines.]] [Stowe folio 181b]
Nor ber the vp agen[y]s ryht.
For off thyn eye, nor off thy syht,
Line 10276
I wyl no tyme be seyn off the,
But whan yt lyketh vn-to me,
And whan yt ys to my plesaunce,
Vp-on thy goodë gouernaunce,
Line 10280
Than, whan me lyst, I kome a-noon.
'ffor, I haue a certeyn ston
Wherthorgh (trewe as any byble,)
I kan me makyn invysible
Line 10284
Whan that me lyst, a-noon ryht,
And hyden me out off thy siht,
And shrowden me, bothe Est & west,
Whan thow wenyst to han me best,
Line 10288
fful ffer ffro the, in áventure:
And therfor, thus in [[I St.]] me assure,
Whan thow dost [[dost C., om. St.]] wel, I am present;
And yiff thow erre in thyn entent,
Line 10292
ffarwel, a-noon I am ago.
And now I mustë [[must St.]] parte also,
(Wherso thow [[that thow St.]] be glad or lyht,)
As for a while out off thy siht.'
Line 10296
And ryght a-noon, as she hath sayd.
God wot, I was ful evele apayd
Off hyr departynge; in myn herte
Yt madë me ful sorë smerte;
Line 10300
Me lyst nat lawhë neueradel,
ffor me lykede no thyng wel
