'Slombrynge euere, & neclygent,
And contrayre to thyn entent,
Ay awaytynge (lyk as espye)
To bryngë the in Iupartye.
Line 10228
Truste hym nat! ne, [[nor St.]] for no chaunce,
Have in hym noon affyaunce
ffor no ffavour nor flatrye; [[Flaterye St.]]
ffor I dar pleynly certefye,
Line 10232
Yiff thow obeye hym nyh [[nygh St.]] or ferre,
Than he wyl be-gynne a werre
A-geyn[y]s the, most peryllous,
Most dredful & contagyous,
Line 10236
(Be yt be nyhte, outher be day)
To disturble on thy way, [folio 158b]
Wyth al hys power he wyl ffonde.
And thus thow mayst wel vnderstonde,
Line 10240
To knowe & wytë fynally
Who ys thy mortal ennemy.
'Now go thy way, for yt stant so,
That I mot nedys fro the go;
Line 10244
I may no lengre, on thy weye
Ledyn the, nor mor conveye.
I haue abyden longe ynowh: [Stowe folio 181a]
I muste, ffro the, gon hennys nough;
Line 10248
ffor a gret while (to thyn entent)
I haue holde a parlement
Wyth.the, & her-to ben thy guyde.
ffarwel! for I may nat abyde.'
Line 10252
The Pylgryme. [[Stowe, om. C.]]
"Ma dame," quod I a-noon right [[St. om. right]] tho,
"Certys, yiff ye go me fro,
I am but lost; recure [[Recover St.]] ys noon,
Al so sone as ye ar gon."
Line 10256
Grace Dieu. [[St., om. C.]]
Quod gracë Dieu, 'I wot that wel;
But I wyl that thow knowe, & ffel,
What I shal [[shalle I St.]] seyn the in substaunce.
Som folk ha feyth, & gret ffyaunce [[and Affyaunce St.]]
In dyuers ffrendys; & off gret trust,
Line 10261
Sette their hope & hertys lust
