'Wych, in hys book of sapyence,
Comaundede (shortly in sentence)
And bad [[baden St.]] men taken hed her-to,
To the Amptë ffor to go,
Line 10188
Tavoydë slouthë, cheff noryce
And moder vn-to euery vyce.
'Salomoun vnderstood & ffond
The pereyl off thys hyl off sond
Line 10192
In hys tyme, & ek ther-to,
The nature off the Ampte also;
Ther-off, [[Wher-off St.]] whan he wrot in hys book,
& good hed also he took
Line 10196
To thampte in sothfastnesse,
Whan he bad voyde al ydelnesse.
'Be war, therfore, off sleuthe, I rede
And euere [[St. & C.]] among, tak good heede
Line 10200
Off hys sleyhty falsë [[ffals St.]] whyles, [folio 158a]
Off hys treynës & hys guyles.
Voyde hym fro the by the roote;
Kep hym lowehe [[lowhe / ay St.]] vnder foote;
Line 10204
Hys powdry sondys, trede hem doun,
The sondys off al Temptacyoun,
(Whos noumbre no man may acounte.)
Wych wyl nat suffre the to mounte
Line 10208
Vp on the hyl, to reste a-loffte,
They wyl [[wylle St.]] lettë the so offte,
Or thow mayst ha ful vyctorye.
'And haue alway in memorye,
Line 10212
Thys sondy hyl ys thy body, [Exposicion. St., om. C.]
Wych letteth the (as most Enemy,)
That thow mayst nat in vertu ryse. [Stowe folio 180b]
'But alderfyrst thow must despyse
Line 10216
Slouthe, as I shal the lere;
Than by ese thow shalt conquere,
Wyth Thampte, (in certeyn space)
To clymbe aboue the hyl by grace.
Line 10220
'And haue alway wel in mynde,
That thow shalt thyn enemy ffynde
Slowh [[Slowthe St.]] & ful off slogardye,
Longe a beddë for to lye,
Line 10224
