'Wyth powdry sondys out off noumbre,
Wych hyr passagë so encoumbre,
Line 10108
And hyr desyre [[desires St.]] ek restreyne,
That she may nat fully atteyne
The hyest party off the hyl,
ffor she ys let ageyn hyr wyl. [[Blank in MS. for an Illumination.]]
Line 10112
And thogh she peyne hyr nyht & day,
Evere the soond lyth in hyr way,
Overwhelmeth, & bereth hyr doun,
Contrayre to hyr entencïoun,
Line 10116
Yt ys so sotyl, drye & smal,
And wonder brotyl ek wyth-al,
That, by reuolucïoun, [Stowe folio 179a]
Yt rebateth & bereth doun
Line 10120
Thys lytel beste that I off telle.
'But for al that, she wyl nat dwelle
In the valë cast doun lowe,
Ther tabyden any throwe;
Line 10124
But hyre afforceth a-noon ryht
To remounte wyth al hyr myght,
Hyr sylff afforcynge, newe & newe,
Euere hyr labour to renewe,
Line 10128
(Lyk a myghty champyoun) [folio 157a]
Thogh she wer offte avalyd doun.'
But at the laste, thorgh hyr labour,
I sawh hyr, lyk a conquerour,
Line 10132
Wyth hyr travaylle renewyd offte
Gete vp on the hyl a-loffte;
And ne woldë neuere lete
Tyl yt was conqueryd in quyete;
Line 10136
And thanne off ryht, as for hyr [[the St.]] beste
Vp-on the cop [[coppe St.]] she dydë reste.
Grace Dieu [[St., in Stowe's hand in C.]] :
Quod grace dieu tho vn-to me:
'Her, thow mayst beholde & se
Line 10140
(Yiff thow lyst to loke a-ryht)
The forcys (platly) & the myght
Bothe off thy body & off the;
And in [[in C., om. St.]] a pleyn Exaumple se
Line 10144
