"ffor, off the body, wher I am bounde,
Line 9992
Ys hool my force, & al my myght, [folio 155a]
(Wych ys ageyn al skyle & ryht,)
And buryed quyk, (yt stondeth so,)
I Am in erthe, wher-euere I go;
Line 9996
(Thys verray Ernest, & no Iape,)
Cheyned, ryht as ys An Ape,
Vn-to a clog, [[the Clogge St.]] & must yt swe,
And fro thenys may nat remewe;
Line 10000
ffor my body, gret & large,
Ys the Clog that me doth charge,
Wych letteth, wyth hys gretë wheyhte,
That I may nat flen an hyhte [[heyghte St.]] [Stowe folio 177a]
Line 10004
ffor euere, wyth hys mortal lawe,
Doun to therthe he doth me drawe.
"I trowë (shortly in sentence)
The word ywrete in sapyence
Line 10008
Was whilom seyd off me ywys,
Who kan take hed; and yt ys thys:
'A body corrupt (yt ys no nay) [Corpus quod corrumpitur, Ag|gravat Animam. Sapiencie. 9o Capitulo. St., om. C.]]
Greveth the soulë [[body C., St.]] nyht & day,
Kepeth hym in captyvyte;
Line 10013
Yt may nat gon at lyberte,
Nouther wakynge nor a-slepe;'
ffor wych, certys, I may wel wepe,
Line 10016
And seyn 'allas,' & sory be,
Off my grete aduersyte."
Grace dieu:
'Than haue in mynde, for any slouthe,
That vn-to the I toldë trouthe.'
Line 10020
The pylgrym:
"Your wordys alle I do aduerte,
& thankë you wyth al myn herte.
Off hem I am ryht wel apayd;
ffor al that euere ye han sayd
Line 10024
Ys verray soth, & no lesyng,
"But I be-seche yow off O thyng,
Yiff I durste you compelle, [folio 155b]
O word that ye lyst me telle:
Line 10028
What ys the cause (declareth why,) [Stowe folio 177b]
