Me thouhte I gan a-noon assente,
ffully tokeyen hys plesaunce. [folio 154b]
Thus aparceyvnge my woful chaunce,
Line 9956
Clerly sawh wyth-Innë me,
That I sholde deceyved be,
Lyk as I was off yore agon.
And tho I gan to wepe a-noon,
Line 9960
Sihe & sorwe, & seyn "allas!
What shal I don now in thys cas?
Or to what party in certeyne
Shal I drawen off thys tweyne?"
Line 9964
Grace dieu:
Quod grace dieu, 'what may thys be?
Why wepystow? what eyleth the,
So thy syluen to dyscounforte?
ffor trewly (as I kan reporte,)
Line 9968
Wepyng & tendre terys grene, [Turpissimum est in homine pru|dente, remedium in roris // Seneca /—St., [folio 176a] ]
Only to wommen appartene,
Whan sodeynly they falle in rage,
And nat to men off strong corage.'
Line 9972
The pylgrym:
"Certys," quod I / "I may wel wepe; [Stowe folio 176b]
ffor, (yiff ye lyst to taken kepe,)
My Ioye, my myrthe & my plesaunce,
Myn Elthe, & al [[helthe and, St.]] my suffysaunce,
Line 9976
Sodeynly me han forsake.
I may compleyne, & sorwe make,
ffor, whylom, aboue the skye
I was wont to fle [[flye St.]] ful hihe,
Line 9980
And hadde also ful glad repayre
Wyth bryddys fleyng in the hayr, [[Eyre St.]]
In my most lusty fressh sesoun;
But now I am avaylyd down,
Line 9984
I fynde (by gret aduersyte)
Al that ys contrayre vn-to me.
I am venquisshed, I am bor doun,
My vertu (in conclusïoun)
Line 9988
Hath lost hys myht, hys excellence;
ffor now, ther ys no résystence
On my party (as yt ys founde);
