Tastyd hys pows [[tried his pulse]] in certeyne,
And gropyd euery nerff & veyne,
And fond in hym no breth at al,
But ded & cold as a ston wal.
Line 9880
And whan I dyde al thys espye,
Hys gouernaunce I gan defye.
Grace dieu:
Tho gracë dieu spak vn-to me,
'Lifft vy thyn Eyen, beholde & se, [folio 153b]
Line 9884
Yiff thow konnë now clerly; [[kan . . Clerelye St.]]
Knowe in erthe thy gret enmy, [Stowe folio 175a]
He that wolde nat suffre the bere
Noon Armys, nor noon harneys were,
Line 9888
Causynge, thow myghtest nat endure,
Vp-on thy bak to bere Armure,
The to dyffende fro thyn Enmyes,
ffro brygauntys & false espyes,
Line 9892
Wych the [[to St.]] werreyen euermore.
Off hym, I ha the told be fore,
That yt ouhte ynowh suffise;
Yet, as I shal to the devyse,
Line 9896
Thow mayst nat chesyn, in certeyn,
Wyth-Innen hym to entre Ageyn,
Retrussen hym, & ek recharge
(Bothe in streyth [[streighte St.]] & ek in large)
Line 9900
Bern hym wyth the in thy vyage,
Whyder thow gost on pylgrymage.'
The pylgrym:
"Ma damë, myn entencïoun
Was now, & my deuocïoun,
Line 9904
Off newë to haue Armyd me,
Assayed yiff yt wolde ha be,
That I myghte ha bor Armure,
My sylff the bettre to assure;
Line 9908
ffor, as now, to my semyng,
They be nat hevy, no maner thyng,
Nor lyk the cónceyt off my thouht;
They weyë [[wey St.]] but a thyng off nouht."
Line 9912
Grace dieu:
'Certys,' quod she, 'no mor they doth; [Stowe folio 175b]
