'ffro the [[the to St.] take yt, yiff [yiff that St.]] I kan,
That thow mayst conceyvë than
Line 9840
Off hym hooly the gouernaunce,
And what he ys, as in substaunce.
But thow mustest, in certeyn,
Affter, sone, resorte ageyn
Line 9844
To thyn oldë dwellyng place,
Tyl that deth, a certeyn space,
Schall the dyspoylle, and makë twynne [[a twynne St.]]
ffro the body that thow art Inne.'
Line 9848
The Pylgryme: [[St., om. C.]]
And Gracë dieu a-noon me took,
(I not, wher that [[whether St.]] I slepte or wook,)
& made (for short conclusïoun,)
My body for to falle a-doun.
Line 9852
And affter that, a-noon ryht
Me semptë that I took my flyht,
And was ravisshed in-to the hayr, [folio 153a]
A place delytable & ffayr. [[Blank in MS. for an Illumination.]]
Line 9856
And me thouht ek, in my syht, [Stowe folio 174b]
I was nat hevy, but verray lyht,
And my beholdyng was so cler,
That I sawh bothë fer & ner,
Line 9860
Hih & lowe, & oueral.
And I was ryht glad wyth-al;
Al was wel, to my plesaunce,
Save a maner dysplesaunce
Line 9864
I hadde off O thyng, in certeyn,
That I muste go dwelle ageyn
Wyth-Inne my body, wych that lay
Lyk an hevy lompe off clay;
Line 9868
Wych to me was no forthryng,
But perturbaunce, & gret lettyng,
Thyder to resorte off newe.
Tho wyst I wel that al was trewe
Line 9872
That gracë dieu hade seyd to me.
And thanne I wentë for to se
Wher the body slepte or nouht.
And whan I haddë longë souht,
Line 9876
