'The sowlë, but her-on reporte,
The myghte, the vertu, ay resorte
Off the body, in certeyn,
Evere vn-to the sowle ageyn.
Line 9764
'And evydence her-on to make:
Thow mayst a cler exaumple take,
Yiff thow euere dydest [[dyddest euere St.]] se
Any shyp a-myd [[Shippe / in St.]] the see,
Line 9768
(Shortly declaryng, at a [[oo St.]] word,)
The maryner wyth-Inne the bord
Ledeth the shyp, (tak hed her-to,)
And ys hym sylff ylad also. [Stowe folio 173a]
Line 9772
Tak here Exaumple, & be wel sad,
But he yt ladde, he [[yt St.]] wer nat lad.
'Semblably, by exaumple cler,
Thy sawlë ys cheff maryner,
Line 9776
Ledere & govérneresse
Off thy body, in sothnesse:
She ledeth [[ledethe . . too & too St., ledeht . . two & two C.]] hym ay too & too,
And ys hyr syllf ylad also.
Line 9780
ffor, at hyr lust & hyr talent,
She, by hyr ownë fre assent,
Ledeth the body, as yt ys skyl.
ffor the body, but by hyr wyl, [folio 152a]
Line 9784
Hath no power, (yt ys no drede)
No syde, the sowlë for to lede.
'And therfor, do thy besy peyne,
Havynge the body in thy demeyne,
Line 9788
To lede hym so, & he ek the,
In thys dredful worldly see,
fful off wyndys & Tempest,
And wawës boyllynge Est & west,
Line 9792
That, by assent, here [[here St., her C.]] in your live,
At goode hauene ye may aryve,
And at good port, whan cruel deth
Schal make hym yelden vp the breth.'
Line 9796
The pylgrym:
"Ma damë, sothly, I do lere,
By your wordys that I here,
To forthre me, & nat to tarye.
