'How he sholdë hym gouerne,
Wyth-oute the siht [[sighte St.]] wych ys eterne, [Stowe folio 171b]
I menë, the siht [[sighte St.]] spyrytual,
Wych ys gostly & eternal.
Line 9688
'That syhte, [[sighte St.]] by agë wasteth nouht;
And (yiff the trouthë be wel souht,)
Thy bodyly eyen (trustë [[trust St.]] me,)
Wyth hem thow mayst no thyng yse.
Line 9692
The soule seth al by cler lookyng,
And the body seth nothyng;
Blynd wyth-Innen & wyth-oute.
And ner the soule, (yt ys no doute,)
Line 9696
Seyng cler he shold ha noon,
Na mor than hath the [[a St.]] coldë ston.
'And as yt ys towchyng syht,
Evene so (who looke a-ryht)
Line 9700
Yt ys off al thy wyttys fyue;
ffor who seyth nay, or geyn [[ageyn St.]] yt stryue,
Euerych off hem, in sentement,
Ys but a maner instrument,
Line 9704
The wych, touchyng ther werkyng,
Off thé they receyve euery thyng;
ffor, wyth-outen helpe off the,
They no thyng here, they no thyng se,
Line 9708
Nor no thyng thay may reporte.
And yiff thow dyst [[dydest St.]] hem nat supporte,
And sustenyst wyth thy myghte,
Line 9711
Eryng, [[Heryng St.]] Smellyng, Touch & Syht,
Thy body wer nat euerydel [folio 151a]
But a verray foul dongel,
Impotent, and feble also,
Outher to mevyn or to go.'
Line 9716
The pylgrym:
"Thanne, wyth your supportacïoun, [Stowe folio 172a]
I axe off you thys questyoun;
And ffryst off all I thus begynne:
'How may the sowle that ys wyth-inne,
Line 9720
Ber the body that ys wyth-oute?'
To me assoylleth fyrst thys doute;
ffor yt semeth mor Reson,
