"How ye afferme, & seyn also,
That my body, wych seth so wel, [Stowe folio 169b]
How that he seth neueradel,
Line 9572
But ys as [[om. St.] blynd as ys a [as eny St.]] ston. [folio 149a]
And your wordys euerychon
Ben so vnkouth & [[and so St.]] merveyllous,
And to my wyt so daungerous,
Line 9576
That they faren, whan I hem here,
As a flee were in myn Ere;
I am astonyd so outterly.
I pray you tel me mor clerly,
Line 9580
That I may wytë (by som mene)
Off al thys thyng, what that [[that om. St.]] ye mene."
Grace dieu:
'Tak hed,' quod she, 'yiff thow konne,
And se somwhylë how the sonne,
Line 9584
Wyth hys bemys bright & clere,
Most ffressh in hys mydday spere,
The samë tyme, vnder a cloude,
Offtë sythe he doth hym schrowude,
Line 9588
That men may nat be-holde & se
The bryhtënesse [[bryhtnesse C.]] off hys bewte.
Wher-vp-on, I the comaunde
To answere to thys demaunde:
Line 9592
Whan the sonne ys closyd so
That hys clernesse ys ago,
Tel on, & [[Telle on St.]] Answere, yiff thow may,
Off what thyng causyd ys the day.'
Line 9596
The pylgrym:
"To tellë shortly in a clause:
Off day, ther ys noon other cause [Stowe folio 170a]
But phebus, as I kan espye.
Thogh hys bemys, vnder skye
Line 9600
Ben hyd, yet yt ys no doute,
Al the lyht that sheweth oute,
Ys ycausyd euerydel
Off the sonne (who lokë wel);
Line 9604
Thorgh a skye hys lyht doth passe,
To shewe yt forth in euery place.
And shortly ellys (yt ys no nay) [folio 149b]
