'Off spyrytys (in conclusïoun)
Thordynaunce & the ffasown,
Line 9492
Off wych he woldë (as by skyl)
Noon other medle, by hys wyl.
'And her-vp-on (yiff thow lyst se,)
The samë lord, he madë the
Line 9496
Off hys goodnesse, for thy prowh;
And in the [[they St.]] body wher thow art now,
He the putte (as I dar telle),
Ther a whylë for to dwelle,
Line 9500
And ther tabyde (thys, the cheff) [folio 148a]
For tassayë the by preff;
And by thy port [[part St.]] also dyscerne
How thow [[thow om. St.]] sholdest the gouerne
Line 9504
Prudently, both fer & ner;
And yiff thow dydest thy dever
To [[For to St.]] dyffendë thy party, [Stowe folio 168b]
Yiff he [[he St., ye C.]] wolde holdë chaumpartye
Line 9508
Ageyn[y]s the in any wyse.
ffor, (as I shal to the devyse,)
Atwyxë [[Atwix St.]] yow (yt ys no faylle)
Ther ys werre & strong bataylle,
Line 9512
And contynuelly ther shal be,
But so falle, thow yeldë the,
And putte the in subieccïoun
Thorgh hys fals collusïoun,
Line 9516
By hys deceyt & flaterye [[Flaterye St., flatry C.]]
Evere to hauë the maystrye
Over the (in cónclusïoun)
Whyl he hath domynacïoun.
Line 9520
'But yiff that thow (as yt ys ryht,)
Dyscounfyte hym by verray myghte,
And by forcë ber hym doun
Lyk a myghty champyoun,
Line 9524
Than shal-tow (bothë fer & ner,)
Over hym han ful power,
That he shal neuere, for no quarelle,
Ageyn[y]s the, dor rebelle,
Line 9528
To Interuptë thyn entente.
'And trewly, but thy sylff assente
